கடந்த 13. 07 2024 பேருவலையில் இருந்து
நடை பயணத்தின் மூலம் நாட்டைச் சுற்றி வரும் சாதனையை ஆரம்பித்து, 26.08. 2024 அன்று சாதனையை முடித்து பிறந்த ஊர் திரும்பிய திரும்பிய சஹ்மி ஷஹீதுக்கு கடந்த 28.08.2024 அன்று மேன்மைதங்கிய ஜனாதிபதி அவர்கள் விருது வழங்கி கௌரவித்தார்.
இலங்கயில் எங்கும் செல்லலாம். எந்தப் பிரச்சினையும் இல்லை. இலங்கை மக்கள் அனைவரும் சகோதரர்களே என்பதை உலகிற்கு எடுத்துக்காட்டி சுற்றுலா பயணிகளை கவரச் செய்து இலங்கையின் சுற்றுலாத் துறையை மேலோங்க வைப்பதே இவரின் நோக்கமாக இருந்தது.
இலங்கையைச் சுற்றி சுமார் 1500 கிலோமீட்டர்களை நடை பயணத்தின் மூலம் சுற்றி வந்து, சகல இன, சகல மொழி மக்களையும் சந்தித்து அவர்களுடன் ஆரவாரமாக பழகி, தோழமை கொண்டு தனது சாதனைப் பயணத்தில் இவர் வெற்றி கண்டமை குறிப்பிடத்தக்க அம்சமாகும்.
நாட்டின் சுற்றுலாத் துறைக்காக தன்னை அர்ப்பணித்து சாதனை படைத்த ஷஹ்மி ஷஹீத் அவர்களை ஜனாதிபதி பாராட்டியதோடு, மேலும் சாதனைகளை சாதிக்க வேண்டும் எனவும் ஜனாதிபதி ஆசிர்வாதம் வழங்கினார்.
இவ்வைபவத்தில் இவரது Youtube தளமான Show me the view என்ற பெயரை முத்திரை குத்தி ஜனாதிபதியின் வாழ்த்துச் செய்தி அடங்கிய நினைவுச் சின்னமும் இவருக்கு வழங்கி கௌரவிக்கப்பட்டது.
-பேருவளை ஹில்மி
