மின்சார கட்டணங்களில் மீண்டும் திருத்தம்!

மின்சார கட்டணங்கள்  2023 ஜூலைக்குள் மீளாய்வு செய்யப்பட்டு திருத்தம் செய்யப்படும் என மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

அரசாங்கத்தின் கொள்கைகளுக்கு அமைவாக மின்சாரக் கட்டணம் மீளாய்வு செய்யப்பட்டு திருத்தப்படும் என அமைச்சர் விஜேசேகர ட்விட்டரில் தெரிவித்துள்ளார்.

மேலும், 2022 டிசம்பரில் எடுக்கப்பட்ட அமைச்சரவை தீர்மானத்திற்கு இணங்க, செலவை பிரதிபலிக்கும் விலை நிர்ணயம் மற்றும் ஒவ்வொரு ஆண்டும் ஜனவரி மற்றும் ஜூலை மாதங்களில் மின் விலையை ஆண்டுக்கு இருமுறை மறுஆய்வு செய்து திருத்தம் செய்ய வேண்டும் என அவர் மேலும் குறிப்பிட்டார்.