ரயில் வண்டியில் இருந்து மீட்கப்பட்ட 10 நாட்களேயான சிசு!

பிறந்து 10 நாட்களேயான சிசு ஒன்று கொழும்பு - கோட்டை தொடரூந்து நிலையத்தில் நிறுத்தி வைக்கப்பட்டிருந்த ரயில் வண்டியில் இருந்து மீட்கப்பட்டுள்ளது.

கொழும்பு - கோட்டை முதல் மட்டக்களப்பு நோக்கி பயணிக்க இருந்த பாடுமீன் ரயில் வண்டியின் கழிப்பறையில் இருந்து கைவிடப்பட்டிருந்த நிலையில் குறித்த சிசு நேற்றிரவு (10) மீட்கப்பட்டுள்ளது.

பின்னர் குறித்த சிசு, லேடி ரிஜ்வே சிறார் வைத்தியசாலைக்கு சிகிச்சைக்காக கொண்டு செல்லப்பட்டுள்ளது.

குறித்த சிசுவை ரயில் வண்டியில் கைவிட்டுச் சென்றவரைக் கண்டறிய மேலதிக விசாரணைகள் முன்னெடுக்கப்படுவதாக காவல்துறை தெரிவித்துள்ளது.