நாட்டில் அறிமுகமாகவிருக்கும் டிஜிட்டல் சாரதி அனுமதிபத்திரம்!

இலங்கையில் டிஜிட்டல் சாரதி அனுமதிப்பத்திரத்தை அறிமுகப்படுத்துவது தொடர்பில் கலந்துரையாடப்பட்டு வருவதாக மோட்டார் போக்குவரத்து திணைக்களத்தின் ஆணையாளர் நாயகம் நிஷாந்த வீரசிங்க தெரிவித்துள்ளார்.

கையடக்க தொலைபேசிகளுக்காக உருவாக்கப்படும் டிஜிட்டல் ஓட்டுநர் உரிமத்தை அறிமுகப்படுத்துவது குறித்து ஆலோசிக்கப்பட்டு வருவதாக அவர் மேலும் குறிப்பிட்டார். 

அதன் அறிமுகத்தைத் தொடர்ந்து சாரதி அனுமதிபத்திர அட்டைகள் தேவையில்லை என்றும் அவர் குறிப்பிட்டார்.

தற்போது 400,000 சாரதி அனுமதிப்பத்திரங்கள் அச்சிடப்பட்டு வழங்கப்பட வேண்டிய சாரதி அனுமதிப்பத்திரங்கள் நிலுவையில் உள்ளதாக நிஷாந்த வீரசிங்க மேலும் தெரிவித்தார்.

இதன்மூலம், முடங்கிய சாரதி அனுமதிப்பத்திரங்களை அச்சிடும் பணியை வெளி நிறுவனங்களில் செய்துகொள்ள மோட்டார் போக்குவரத்துத் துறை பரிசீலித்து வருவதாகவும், அதே நேரத்தில் புதிய சாரதி அனுமதிபத்திர அட்டைகள் வழங்கும் பணியைத் துறை மேற்கொண்டு வருவதாகவும் அவர் கூறினார். (யாழ் நியூஸ்)