பிரபல அரசியல் பிரமுகர்கள் உட்பட பலரது கட்சி உறுப்புரிமை நீக்கம்!

ஸ்ரீலங்கா சுதந்திரக் கட்சியின் தீர்மானங்களுக்கு மாறாக செயற்பட்டவர்களின் கட்சி உறுப்புரிமையை இடைநிறுத்துவதற்கு ஸ்ரீலங்கா சுதந்திரக் கட்சியின் மத்திய குழு ஏகமனதாக தீர்மானித்துள்ளதாக கட்சியின் பொதுச் செயலாளர் நாடாளுமன்ற உறுப்பினர் தயாசிறி ஜயசேகர தெரிவித்துள்ளார்.

இதன்படி, முன்னாள் ஜனாதிபதி சந்திரிக்கா பண்டாரநாயக்க குமாரதுங்க மற்றும் ஸ்ரீலங்கா சுதந்திரக் கட்சியின் சிரேஷ்ட உறுப்பினர்கள் பலரின் கட்சி உறுப்புரிமை இடைநிறுத்தப்பட்டுள்ளதாக அவர் குறிப்பிட்டுள்ளார்.

முன்னாள் ஜனாதிபதி மைத்திரிபால சிறிசேன தலைமையில் ஸ்ரீலங்கா சுதந்திரக் கட்சியின் மத்திய குழு நேற்று (21) கூடியது. (யாழ் நியூஸ்)