குறித்த சுற்றறிக்கையின் காரணமாக திருமணங்களை பதிவு செய்வதில் ஏற்படும் சிரமங்களை குறைக்கும் வகையில் பிரதமர் இந்த உத்தரவை பிறப்பித்துள்ளதாக பொது நிர்வாகம் மற்றும் உள்நாட்டலுவல்கள் அமைச்சு தெரிவித்துள்ளது.
பொதுநிர்வாகம், உள்நாட்டலுவல்கள், மாகாண சபைகள் மற்றும் உள்ளூராட்சி மன்றங்கள் அமைச்சின் அதிகாரிகளுடன் நேற்று (02) இடம்பெற்ற சந்திப்பின் போதே இந்த உத்தரவு பிறப்பிக்கப்பட்டுள்ளது.
பதிவாளர் நாயகம் திணைக்களத்தால் வெளியிடப்பட்ட சுற்றறிக்கையின்படி, தம்பதியினர் பாதுகாப்பு அமைச்சகம் மற்றும் குடிவரவு மற்றும் குடியகல்வுத் திணைக்களத்திடமிருந்து அனுமதி அறிக்கையைப் பெற வேண்டும், அதே நேரத்தில் வெளிநாட்டவர்கள் சுகாதார அறிக்கையை வழங்க வேண்டும், மேலும் அத்தகைய திருமணங்கள் கூடுதல் அதிகாரிகளால் மட்டுமே பதிவு செய்யப்பட்டன.
அவ்வாறு திருமணங்களை பதிவு செய்வதற்கான தேவைகள் குறித்து புதிய சுற்றறிக்கையை வெளியிடுமாறு பதிவாளர் நாயகத்திற்கு பிரதமர் ஆலோசனை வழங்கியுள்ளார்.
உள்நாட்டு அதிகார வரம்பில் திருமணத்தை பதிவு செய்வதற்காக இலங்கையர்களை திருமணம் செய்து கொண்ட வெளிநாட்டு பிரஜைகளின் கடவுச்சீட்டு, சிவில் அந்தஸ்து உறுதிப்படுத்தல் மற்றும் பிறப்புச் சான்றிதழ் ஆகியவற்றை மட்டுமே புதிய சுற்றறிக்கையில் காணப்படும் என்று அறியப்படுகிறது. (யாழ் நியூஸ்)
