காம்பியாவில் குழந்தைகளின் உயிரிழப்பை ஏற்படுத்தியதாக கூறப்படும் இந்திய மருந்துகள் இலங்கைக்கும் வந்துள்ளதா?

காம்பியாவில் குழந்தைகளின் உயிரிழப்பை ஏற்படுத்தியதாக கூறப்படும் இந்திய மருந்துகள் இலங்கைக்கு வரவில்லை என சுகாதார அமைச்சர் கெஹலிய ரம்புக்வெல்ல தெரிவித்துள்ளார்.

இது தொடர்பில் மிகுந்த அவதானத்துடன் செயற்படுமாறு மருந்து கட்டுப்பாட்டு அதிகாரசபைக்கு அறிவிக்கப்பட்டுள்ளதாக அமைச்சர் மேலும் தெரிவித்தார்.

இந்தியாவில் உற்பத்தி செய்யப்படும் 4 வகையான மருந்துகளால் காம்பியாவில் ஏராளமான குழந்தைகள் உயிரிழந்துள்ளதாக உலக சுகாதார நிறுவனம் சமீபத்தில் தெரிவித்திருந்தது.

இந்த கலவைகளின் (பானங்கள்) அதிக அளவு மனித சிறுநீரகங்களை சேதப்படுத்துகிறது என்று தொடர்புடைய அறிக்கை காட்டுகிறது.