என்னை வீட்டிற்கு செல்லுமாறு கோருவது நேரத்தை வீணடிக்கும் செயல்! எனக்கு வீடு இல்லை! -ஜனாதிபதி

தமக்கு செல்வதற்கு வீடு இல்லாத நிலையில் “வீட்டிற்கு செல்லுங்கள்” என்று கோருவதில் அர்த்தமில்லை என ஜனாதிபதி ரணில் விக்கிரமசிங்க தெரிவித்துள்ளார்.

கண்டியில் நேற்று (30) உரையாற்றிய ஜனாதிபதி, தம்மை வீட்டுக்குச் செல்லுமாறு கோரி போராட்டம் நடத்தப் போவதாக சிலர் அச்சுறுத்தியதாகக் கூறினார்.

"எனக்கு செல்ல வீடு இல்லாததால் அதைச் செய்ய வேண்டாம் என்று நான் உங்களிடம் கேட்டுக் கொள்கிறேன்," என்று அவர் கூறினார். 

அதற்குப் பதிலாக எரிந்த தனது வீட்டை மீண்டும் கட்ட போராட்டக்காரர்கள் முயற்சிக்க வேண்டும் என்றார்.

கடந்த ஜூலை 9ஆம் தேதி மலர் வீதியில் உள்ள அவரது இல்லத்துக்கு போராட்டக்காரர்கள் தீ வைத்தனர். அவரது வீடு புனரமைக்கப்பட்ட பின்னர் அவர் வீட்டுக்குச் செல்லுமாறு போராட்டக்காரர்கள் கோரலாம் என்று விக்ரமசிங்க கூறினார். 

"வீடு இல்லாத மனிதனை வீட்டிற்கு செல்லச் சொல்வதில் அர்த்தமில்லை," என்று அவர் கூறினார். அவரை வீட்டிற்கு செல்லுமாறு கோருவது நேரத்தை வீணடிக்கும் செயலாகும் என ஜனாதிபதி தெரிவித்துள்ளார். 

போராட்டக்காரர்கள் நாட்டைக் கட்டியெழுப்ப வேண்டும் அல்லது தனது வீட்டைக் கட்டியெழுப்ப வேண்டும் என்றார். (யாழ் நியூஸ்)