எரிபொருள் பாவனையாளர்களுக்கு பதிவு செய்து கொள்ளும் முறைமை - ரேஷன் முறையில் எரிபொருள் விநியோகம்!

போக்குவரத்து மற்றும் கைத்தொழில் துறைகளுக்கு முன்னுரிமை வழங்கும் வகையில் எதிர்காலத்தில் ரேஷன் முறையொன்று அறிமுகப்படுத்தப்பட உள்ளதாக மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

அனைத்து எரிபொருள் பாவனையாளர்களும் தமது பிரதேசத்தில் உள்ள எரிபொருள் நிரப்பு நிலையத்தில் பதிவு செய்யுமாறு அறிவிக்கப்பட்டுள்ளதாகவும் அமைச்சர் தெரிவித்தார்.

தனியார் பஸ்களுக்கான டீசல் விநியோகத்தை இலங்கை போக்குவரத்து சபை டிப்போ ஊடாக மேற்கொள்ளும் வகையில் ஒவ்வொரு எரிபொருள் களஞ்சியசாலைக்கும் தனியார் பஸ் சங்கங்களின் பிரதிநிதி ஒருவரை நியமிக்குமாறு சம்பந்தப்பட்ட சங்கங்களுக்கு பணிப்புரை விடுக்கப்பட்டுள்ளதாக அமைச்சர் தெரிவித்தார். (யாழ் நியூஸ்)