பிரதிநிதிகளான முச்சக்கர வண்டி ஓட்டுனர்கள், தனியார் பேருந்துகள் நடத்துனர், பாடசாலை மற்றும் அலுவலக போக்குவரத்து சேவைகள் சாரதிகள், கொள்கலன் போக்குவரத்து சேவைகள் மற்றும் வணிக போக்குவரத்து வாகன ஓட்டுனர்கள் உட்பட பல போக்குவரத்து துறைகளை சேர்ந்தவர்கள் கலந்துரையாடலில் கலந்துகொண்டனர்.
எரிபொருள் தட்டுப்பாட்டின் போது மேற்கூறிய போக்குவரத்துத் துறைகள் குறைந்தபட்ச தடையின்றி செயல்படும் வகையில் எரிபொருள் விநியோக செயல்முறையை முறைப்படுத்துவது குறித்து கூட்டத்தில் கலந்துரையாடப்பட்டது.
எரிபொருள் விநியோக முறைமை விரைவில் வகுக்கப்படும் என்று அமைச்சர் காஞ்சன விஜேசேகர மீண்டும் வலியுறுத்தியதோடு, அந்த முறைமை அமுலுக்கு வந்ததும் சம்பந்தப்பட்ட முச்சக்கர வண்டிகளை எரிபொருள் நிலையத்தில் பதிவு செய்யுமாறும் கோரிக்கை விடுத்துள்ளார்.
அமைச்சர் காஞ்சன விஜேசேகரவுடன் பாராளுமன்ற உறுப்பினர் நாமல் ராஜபக்ஷவும் கலந்துரையாடலை ஒருங்கிணைக்கும் நடவடிக்கையில் கலந்துகொண்டார். அதன் பிரகாரம், பொலிஸாருடன் இணைந்து இதற்கான நடவடிக்கைகள் துரிதப்படுத்தப்பட்டுள்ளதாக அமைச்சர் தெரிவித்தார். (யாழ் நியூஸ்)