பிரதமர் ரணில் விக்கிரமசிங்க தலைமையிலான புதிய அரசாங்கத்தில் ஐக்கிய மக்கள் சக்தி அமைச்சர் பதவிகளை ஏற்க வேண்டும் என தாம் நம்புவதாக தொலைக்காட்சி நிகழ்ச்சியின் போது உரையாற்றிய பாராளுமன்ற உறுப்பினர் பெர்னாண்டோ தெரிவித்தார்.
இதுகுறித்து கட்சி முடிவு எடுக்கும் வரை இன்னும் ஒரு நாள் பொறுத்திருப்பேன் என்றார்.
"சஜித் பிரேமதாச இந்த நாட்டின் எதிர்காலத் தலைவர், அதில் எந்த சந்தேகமும் இல்லை, ஆனால் இந்த தருணத்தில் நாம் அரசியலைப் பற்றி சிந்திக்காமல் புதிய அரசாங்கத்திற்கு ஆதரவளிக்க வேண்டும் என்று நான் நினைக்கிறேன்." ஹரின் பெர்னாண்டோ தெரிவித்தார்.
“இன்னும் ஆறு மாதங்களில் எமக்கு ஒரு நாடு இருக்காது, இந்த நெருக்கடியை தீர்க்க இந்த புதிய அரசாங்கத்தில் சஜித் பிரேமதாசவும் அனுரகுமார திஸாநாயக்கவும் இணைவதை நான் விரும்புகிறேன்” என்று அவர் மேலும் கூறினார்.
"#GotaGoHome செயல்முறைக்கான கோரிக்கையை உள்ளடக்கிய ஏழு அம்சங்கள் அடங்கிய கடிதம் ஒன்றை நாங்கள் பிரதமருக்கு அனுப்பியுள்ளோம், சாதகமான பதில் கிடைத்தவுடன் நாங்கள் ஒரு முடிவை எடுப்போம், இதில் நான் தனியாக இல்லை" என்று அவர் மேலும் கூறினார்.
"கோட்டாபய ‘பாஸ்’ (சித்தி) பெற நான் அரசாங்கத்தில் சேரமாட்டேன், அவர் தோல்வியடைந்தார், இப்போது இந்த தோல்வியுற்ற நபரை வெளியே அனுப்ப வேண்டும், ஆனால் அது அரசியலமைப்பின் மூலம் நடக்க வேண்டும்".
"திட்டம் ஏ என்பது ஐக்கிய மக்கள் சக்தியை அதிகாரப்பூர்வமாக ஆதரிக்க வேண்டும், அது நடக்கவில்லை என்றால் நாங்கள் திட்டம் பி இற்கு செல்ல வேண்டும்"
புதிய அமைச்சரவையில் இணைந்து கொண்டால் அமைச்சு அந்தஸ்த்துகள் எதனையும் ஏற்கப் போவதில்லை என்றும் பெர்னாண்டோ நாடாளுமன்ற உறுப்பினர் தெரிவித்துள்ளார். (யாழ் நியூஸ்)