உண்டியல் முறைமையில் பணமாற்றம் செய்ய முயன்ற மற்றுமொரு நபர் கைது!

உண்டியல் முறையின் கீழ் பணமாற்றம் செய்வதற்காக வெளிநாட்டு நாணயங்களை கையிருப்பில் வைத்திருந்த நபர் ஒருவர் பெப்பிலியான பிரதேசத்தில் கைது செய்யப்பட்டுள்ளார்.

பொலிஸ் விசேட அதிரடிப்படையினருக்கு கிடைத்த இரகசிய தகவலின் பேரில் மேற்கொள்ளப்பட்ட சுற்றிவளைப்பில் சந்தேகநபர் 50,000 யூரோக்களுடன் கைது செய்யப்பட்டதாக தெரிவிக்கப்படுகிறது.

குறித்த வெளிநாட்டு நாணயங்களின் பெறுமதி சுமார் 18.69 மில்லியன் ரூபா எனவும் மேலதிக விசாரணைகளுக்காக அவர் கிருலப்பனை சட்டவிரோத சொத்துக்கள் விசாரணைப் பிரிவினரிடம் ஒப்படைக்கப்பட்டுள்ளார். (யாழ் நியூஸ்)