மர்மமான முறையில் உயிரிழந்த தந்தை மற்றும் மகளின் சடலங்கள் மீட்பு!

களுத்துறை, ஹீனடியங்கல பிரதேசத்தில் வீடொன்றில் மர்மமான முறையில் உயிரிழந்த இருவரின் சடலங்களை பொலிஸார் நேற்று (30) கண்டெடுத்துள்ளனர். 

உயிரிழந்தவர்கள் தந்தை மற்றும் மகள் என அடையாளம் காணப்பட்டுள்ளனர்.

களுத்துறை, ஹீனடியங்கல சிசில உயன பகுதியைச் சேர்ந்த 69 வயதான சமரசிங்க சுனில் ஜயசிங்க மற்றும் அவரது 33 வயது மகள் சசித்ரா ஹன்சமலி ஜயசிங்க ஆகிய இருவரும் உயிரிழந்துள்ளனர். 

குறித்த வீட்டில் பெற்றோரும் மகளும் தங்கியிருந்ததுடன், தந்தை நாற்காலியில் அமர்ந்திருந்ததாகவும், மகள் அறையில் தரையில் சடலமாக கிடப்பதாகவும் பொலிஸ் அவசர பதில் பிரிவுக்கு கிடைத்த தகவலின் அடிப்படையில் களுத்துறை தெற்கு பொலிஸார் விசாரணைகளை மேற்கொண்டு வருகின்றனர். 

களுத்துறை குற்றப் புலனாய்வுப் பிரிவினரால் பிரேதப் பரிசோதனையின் பின்னர் சடலங்கள் களுத்துறை மாவட்ட பொது வைத்தியசாலைக்குக் கொண்டு செல்லப்பட்டுள்ளன. பிரேத பரிசோதனை இன்று நடைபெறவுள்ளது. (யாழ் நியூஸ்)