அமைச்சுப் பதவி ஏற்ற இருவரும் சுதந்திரக் கட்சியில் இருந்து நீக்கம்!

சுரேன் ராகவன் மற்றும் சாந்த பண்டார ஆகிய இருவரும் அமைச்சுப் பதவிகளை ஏற்றுக்கொண்டுள்ள நிலையில், அவர்களை கட்சியிலிருந்து நீக்குவதற்கு ஸ்ரீலங்கா சுதந்திரக் கட்சி தீர்மானித்துள்ளது.

ஸ்ரீலங்கா சுதந்திரக் கட்சியின் முக்கிய உறுப்பினர்கள் நேற்று (25) கூடிய போது இந்தத் தீர்மானம் எடுக்கப்பட்டதாக கட்சியின் பொதுச் செயலாளர் தயாசிறி ஜயசேகர தெரிவித்தார். 

அதேநேரம் அரசாங்கத்திற்கு எதிரான நம்பிக்கையில்லாப் பிரேரணைக்கு ஆதரவளிக்க ஸ்ரீலங்கா சுதந்திரக் கட்சியின் முக்கிய உறுப்பினர்களும் தீர்மானித்துள்ளனர். (யாழ் நியூஸ்)