இது தொடர்பாக வெளியிட்ட அறிக்கையில், இலங்கைக்கு செய்யப்படும் உதவிகள் ஒருபோதும் இந்தியாவுக்கு எதிராக அமைந்து விடக்கூடாது என அவர் குறிப்பிட்டுள்ளார்.
மின்பாதை அமைக்கும் திட்டம் செயல்படுத்தப்பட்டால் அது இந்தியாவின் வளர்ச்சியை பாதிக்கும் என்பதை அரசு உணர வேண்டும் என்றும் கடந்த 20 ஆண்டுகளில் இருமுறை கைவிடப்பட்ட இந்தியா - இலங்கை மின்பாதை திட்டத்தை மீண்டும் செயல்படுத்த முயற்சிகள் மேற்கொள்ளப்படுவது தேவையற்ற நடவடிக்கை என்றும் ராமதாஸ் தெரிவித்துள்ளார்.
“இந்தியாவில் உற்பத்தி செய்யப்படும் மின்சாரத்தை இலங்கைக்கு கொண்டு செல்வதற்கு வசதியாக மதுரையில் இருந்து இலங்கையின் அனுராதபுரம் பகுதிக்கு கடல் வழியாக மின்பாதை அமைக்கும் திட்டம் நீண்ட காலமாக இரு நாடுகளின் பரிசீலனையில் இருந்து வருகிறது.
“தமிழகத்தில் கடுமையான எதிர்ப்பு எழுந்ததால் அத்திட்டம் கைவிடப்பட்டது. இந்த முயற்சி பொதுவாக இந்திய நலனுக்கும், குறிப்பாக தமிழகத்தின் வளர்ச்சிக்கும் பாதகமாக அமையும் என்பதே உண்மை,” என்று ராமதாஸ் தமது அறிக்கையில் கூறியுள்ளார்.
மீண்டும் பழைய திட்டத்தைப் பரிசீலிக்க வேண்டாம் என்றும் அவர் கூறியுள்ளார்.