எரிபொருள் தட்டுப்பாடு - அடுத்த வாரம் முதல் நடக்கப் போவது இது தான்!

சிங்கப்பூரில் இருந்து இலங்கைக்கு எரிபொருளை இறக்குமதி செய்த கப்பல், டொலர்களை செலுத்தாத காரணத்தினால் 15 நாட்களாக இலங்கை கடற்பரப்பில் நிறுத்தப்பட்டுள்ளதாக இலங்கை பெற்றோலிய கூட்டுத்தாபனத்தின் உயர் அதிகாரி ஒருவர் தெரிவித்துள்ளார்.

கடந்த மார்ச் மாதம் 28 ஆம் திகதி சிங்கப்பூரில் இருந்து இலங்கைக்கு வருகை தந்த குறித்த கப்பலில் 26,000 தொன் 92 ஒக்டேன் பெற்றோல் மற்றும் 9,000 தொன் 95 ஒக்டேன் பெற்றோலும் இருந்ததாக தெரிவிக்கப்பட்டுள்ளது.

எரிபொருள் டேங்கரை மீட்க 44 மில்லியன் அமெரிக்க டொலர்கள் செலவாகும் என்று திட்டமிடப்பட்டது, ஆனால் பணம் செலுத்தாததால், குறித்த நிறுவனத்திற்கு ஒரு நாளைக்கு  18,000 அமெரிக்க

டொலர் என்ற அடிப்படையில் 15 நாட்களுக்கு அபராதம்  செலுத்த வேண்டியிருந்தது.

இந்திய கடன் உதவியுடன் இறக்குமதி செய்யப்படும் டீசல் மற்றும் பெட்ரோல் அடுத்த வார நடுப்பகுதி வரை இருக்கும் என்றும், எரிபொருளை கொண்டு வர நடவடிக்கை எடுக்கப்படாவிட்டால், அடுத்த வார நடுப்பகுதியில் இருந்து மீண்டும் எரிபொருள் தட்டுப்பாடு ஏற்பட வாய்ப்புள்ளதாகவும் அந்த அதிகாரி தெரிவித்தார்.

கூட்டுத்தாபனத்தில் சில நாட்களுக்கு தேவையான மண்ணெண்ணெய் இருப்பு உள்ளதாகவும், மண்ணெண்ணெய் தேவை 700 மெட்ரிக் டன்னாக இருந்தாலும், 400 மெட்ரிக் டன்னாக மட்டுப்படுத்தப்பட்டுள்ளது. சாதரண நாள் ஒன்றிற்கு சராசரியாக  300 மெட்ரிக் டன் மண்ணெண்ணெய் தேவைப்படுவதாகவும் அவர் மேலும் கூறினார்.(யாழ்

நியூஸ்)

✅ Join our WhatsApp Group:

எமது வாட்ஸாப் குழுமத்தில் இணைந்துகொள்ளுங்கள். ஒன்றுக்கு மேற்பட்ட குழுமங்களில் இணைவதை தயவுசெய்துதவிர்த்துக்கொள்ளவும்.

https://chat.whatsapp.com/E40k0D3G50eE9N014tGfEq