அரசுக்கு எதிரான போராட்டத்தில் கைகோர்க்கும் புகையிரத தொழிற்சங்கம்!

ஜனாதிபதி கோட்டாபய ராஜபக்ஷ மற்றும் அவரது ஆட்சிக்கு எதிராக அமைதியான முறையில் போராட்டத்தில் ஈடுபட்டுள்ள இலங்கை பொதுமக்களுக்கு ஒற்றுமையை வெளிப்படுத்தும் வகையில் புகையிரத தொழிற்சங்க கூட்டமைப்பு “டோக்கன்” வேலைநிறுத்தம் ஒன்றை நடத்தவுள்ளது.

புதன்கிழமை (27) நள்ளிரவு முதல் வியாழன் (28) நள்ளிரவு வரை 24 மணித்தியால அடையாள வேலைநிறுத்தப் போராட்டத்தில் ஈடுபடவுள்ளதாக கூட்டமைப்பு அறிவித்துள்ளது.

முக்கிய ரயில்வே தொழிற்சங்கங்கள் உட்பட கிட்டத்தட்ட 30 தொழிற்சங்கங்கள் இணைந்து இந்த டோக்கன் வேலை நிறுத்தத்தில் ஈடுபடவுள்ளன. (யாழ் நியூஸ்)