தேசிய பொருளாதார சபைக்கு ஆலோசனைக் குழுவிடமிருந்து ஐந்து முன்மொழிவுகள்!!

தேசிய பொருளாதார சபைக்கு ஆலோசனை வழங்குவதற்காக நியமிக்கப்பட்ட 16 பேர் கொண்ட ஆலோசனைக் குழு ஐந்து முன்மொழிவுகளை முன்வைத்துள்ளது.

புதிதாக நியமிக்கப்பட்ட தேசிய பொருளாதார சபைக்கு ஆலோசனை வழங்குவதற்காக ஜனாதிபதி கோட்டாபய ராஜபக்ஷ கடந்த மார்ச் 15ஆம் திகதி ஆலோசனைக் குழுவொன்றை நியமித்தார்.

பொருளாதாரத்தை புத்துயிர் பெறுவது தொடர்பான ஐந்து திட்டங்களை தேசிய பொருளாதார கவுன்சிலில் ஆலோசனைக் குழு தாக்கல் செய்துள்ளது. 

முன்மொழிவுகள் பின்வருமாறு: 

1. சர்வதேச நிதி உதவியை முன்மொழிவதற்கு மத்திய வங்கி மற்றும் திறைசேரி ஆகிய இரு அதிகாரிகளைக் கொண்ட தொழில்நுட்பக் குழுவை நியமித்தல். 

2. நிதி ஆலோசகர் மற்றும் சட்ட ஆலோசகரை நியமித்தல்.

3. சர்வதேச நிதி உதவி தொடர்பான மறுசீரமைப்பு திட்டத்தை தொழில்நுட்பக் குழு உடனடியாக சமர்ப்பிக்க வேண்டும். 

4. நிதி அமைச்சருடன் ஒருங்கிணைக்க நிபுணர்கள் குழுவை நியமித்தல்.

5. விநியோகச் சிக்கல்களில் இருந்து விடுபடுவதில் கவனம் செலுத்தி, நம்பகத்தன்மையை மீண்டும் கட்டியெழுப்புவதில் கவனம் செலுத்தல்.