இந்திய கடன் வரியின் கீழ் டீசல் இலங்கையை வந்தடைந்தது!

இந்தியாவில் இருந்து பெறப்பட்ட கடன் வரியின் கீழ் கொள்வனவு செய்யப்பட்ட டீசலின் முதலாவது ஏற்றுமதி இன்று காலை இலங்கையை வந்தடைந்தது.

ஏற்றுமதியில் 35,000 மெட்ரிக் தொன் டீசல் உள்ளதாக இலங்கை பெற்றோலியக் கூட்டுத்தாபனம் (CPC) தெரிவித்துள்ளது.

அதிகாரிகள் இன்று காலை டீசல் இறக்கும் பணியை ஆரம்பித்ததாக இலங்கை பெற்றோலியக் கூட்டுத்தாபனம் மேலும் தெரிவித்துள்ளது.

அண்மையில் நிதியமைச்சர் பசில் ராஜபக்ஷ நாட்டிற்கு விஜயம் செய்திருந்த போது, ​​இந்தியாவுடன் 1 பில்லியன் அமெரிக்க டொலர் கடன் ஒப்பந்தத்தில் இலங்கை கைச்சாத்திட்டது.

எரிபொருள், உணவு மற்றும் மருந்துகள் உட்பட பல அத்தியாவசிய பொருட்களை கொள்வனவு செய்வதற்கு கடன் வரி கையொப்பமிடப்பட்டது.

இதன்மூலம், இன்று இலங்கைக்கு வந்துள்ள முதல் டீசல் ஏற்றுமதிக்காக இந்திய கடன் வரியின் 500 மில்லியன் அமெரிக்க டொலர்கள் பயன்படுத்தப்பட்டுள்ளன.

இலங்கையில் கடுமையான எரிபொருள் தட்டுப்பாடு நிலவி வரும் வேளையில் இந்த ஏற்றுமதி வந்துள்ளது.

டீசல் பற்றாக்குறையால் போக்குவரத்து மற்றும் மின் உற்பத்தி கடுமையாக பாதிக்கப்பட்டுள்ளது.

கடந்த சில வாரங்களாக எரிபொருள் நிரப்பு நிலையங்களில் நீண்ட வரிசைகள் காணப்படுவதாகவும், மின்சார சபை நாளாந்தம் 05 மணித்தியாலங்களுக்கு மேல் மின்வெட்டுகளை விதித்தும் வருகின்றன. (யாழ் நியூஸ்)