இலங்கையின் பொருளாதாரம் கொரோனா தொற்றினால் கடுமையாகப் பாதிக்கப்பட்டுள்ளதாக அந்த அறிக்கை கூறுகிறது.
சுற்றுலா வருவாய் இழப்பு மற்றும் நாடு மூடப்பட்டதால் இவ்வாறான கடுமையான நிலையை எட்டியுள்ளதாக தகவல்கள் தெரிவிக்கின்றன.
இன்று, இலங்கை மொத்த உள்நாட்டு உற்பத்தியில் 10 சதவீதத்திற்கும் அதிகமான நிதிப் பற்றாக்குறையைக் கொண்டுள்ளதுடன், இலங்கையின் பொதுக் கடன் கடந்த ஆண்டு மொத்த உள்நாட்டு உற்பத்தியில் 119 சதவீதமாக அதிகரித்துள்ளதாகவும் அந்த அறிக்கையில் தெரிவிக்கப்பட்டுள்ளது.
தற்போது இலங்கையில் பணவீக்கம் இரட்டை இலக்கத்தில் உள்ளதுடன் ஒற்றை இலக்க பணவீக்கத்தை அரசாங்கத்தால் கட்டுப்படுத்த முடியவில்லை.
கடந்த சர்வகட்சி மாநாட்டின் அறிக்கை தொடர்பில் நிதியமைச்சர் பசில் ராஜபக்சவுக்கும் முன்னாள் பிரதமர் ரணில் விக்கிரமசிங்கவுக்கும் இடையில் சர்ச்சை எழுந்தது.
இந்த அறிக்கை ஒரு வரைவு மட்டுமே எனவும், இலங்கை அரசாங்கம் இதனை சவாலுக்கு உட்படுத்தியுள்ளதாகவும் எனவே அதனை வழங்க முடியாது எனவும் நிதியமைச்சர் குறிப்பிட்டுள்ளார்.