நாட்டில் தீவிரமாக அதிகரித்துச் செல்லும் கொரோனா தொற்று! - நாளொன்றுக்கான அதிகபட்ச கொரோனா மரணங்கள் நேற்று பதிவு!

நாட்டில் மேலும் 1,080 பேருக்கு கொரோனா தொற்று உறுதி செய்யப்பட்டுள்ளது என்றும் இலங்கையின் மொத்த கொரோனா தொற்றாளர்களின் எண்ணிக்கை 412,370 ஆக அதிகரித்துள்ளதாகவும் தகவல்கள் தெரிவிக்கின்றன.

இன்றையதினம் 3,522 பேர் தொற்றுக்குள்ளாகியிருந்த நிலையிலேயே மேற்கண்ட அறிவிப்பு வெளியிடப்பட்டுள்ளது. அதனடிப்படையில் இன்று (26) 4,602 பேர் தொற்றுக்குள்ளாகியுள்ளனர்.

கொரோனா தொற்றுக்கு உள்ளாகி நேற்றைய தினம் (25) மேலும் 209 பேர் உயிரிழந்துள்ளதாக அரசாங்க தகவல் திணைக்களம் அறிவித்துள்ளது.

அதனடிப்படையில், கொரோனா தொற்றுக்கு உள்ளாகி இதுவரை 8,157 பேர் உயிரிழந்துள்ளனர்.

மேலும் இன்றைய தினம் 2139 நபர்கள் குணமடைந்தும் உள்ளனர். 

 (யாழ் நியூஸ்)