ஆப்கானிஸ்தான், காபூல் விமான நிலையத்தில் குழப்பம் மற்றும் துயரங்களுக்கு மத்தியில் இடம்பெற்ற பாகிஸ்தான் பெஷாவர் நகர லொரி சாரதி ஒருவர் செய்த விடயம் ஒன்றினை பற்றி, முன்னாள் நெதர்லாந்து அமைச்சர் ஜோராம் வான் கிளவேர் முகநூல் பக்கத்தில் பகிர்ந்து கொண்டுள்ளார். அவரது முகநூல் கணக்கில் இவ்வாறு பதிவிட்டிருந்தார்.
“நம்பினால் நம்புங்கள், பெஷாவரில் இருந்து காபூல் நோக்கி வந்த லொரி சாரதி ஒருவர் மூன்று நாளாக காணாமற் சென்றிருந்தார்”. மேலும் அவர் தெரிவித்ததாவது, அவர் இறந்துவிட்டதாக அவரது குடும்பத்தினர் நினைத்ததுள்ளார்கள்.
குறித்த சாரதி, மூன்று நாட்களுக்கு பின்பு தனது குடும்பத்திற்கு தொலைப்பேசி அழைப்பினை மேற்கொண்டு தான் அமெரிக்காவில் இருப்பதாக தெரிவித்ததாக அமைச்சர் அவரது முகநூல் பக்கத்தில் குறிப்பிட்டுள்ளார்.
காபூல் விமான நிலையத்தினுள் என்ன நடக்கின்றது என்று பார்வையிட சென்ற சாரதி, எதேர்ச்சையாக மக்களுடன் மக்களாக விமானத்தினுள் ஏரி அமெரிக்கா சென்றுள்ளார்.
இவ்வாறு பலர் காணமற் சென்று, உலகில் வெவ்வேறு பாகங்களுக்கு சென்றுள்ளதாக அறிய முடிந்ததாக தெரிய வந்துள்ளது. (யாழ் நியூஸ்)