கொரோனா தொற்றினால் வீதிகளில் மக்கள் இறந்து கிடக்கும் நிலைமை!

இன்னும் சில வாரங்களில் கொரோனா தொற்றுக்கு இலக்கான மக்கள் வீதிகளில் இறக்கும் சூழ்நிலையில் நாடு இருக்கும் என்று அகில இலங்கை மருத்துவ அதிகாரிகள் சங்கம் தெரிவித்துள்ளது.

சுகாதார நிபுணர்களின் ஆலோசனைகளை அரசாங்கம் புறக்கணிப்பதால் இந்த நிலைமை ஏற்படும் என்று சங்கத்தின் தலைவர் டாக்டர் கிஷாந்த தசநாயக்க தெரிவித்தார்.

கொரோனா வைரஸ் ஆனது, ஒரு பயங்கரவாதி அல்லது அரசுக்கு எதிரான சதி அல்லது விரோத அச்சுறுத்தல் அல்ல என்பதனால் இராணுவம் இவற்றை பொறுப்பேற்க முடியாது என்றும் இக்காலகட்டத்தில் அறிவியல் அணுகுமுறை எடுக்கப்பட வேண்டும் என்றும் அவர் கூறினார்.

நாடு முழுவதும் உள்ள அனைத்து மருத்துவமனைகளிலும் கொரோனா தொற்றாளர்களின் நிலை மோசமடைந்து வருவதாகவும், சுகாதார ஊழியர்களுக்கு இதனை தாங்க முடியாத நிலை ஏற்பட்டு வருவதாகவும் அவர் மேலும் தெரிவித்தார்

நாடு சிறிது காலம் மூடப்பட வேண்டும் என்றும் தற்போதைய செயலில் உள்ள பயணக் கட்டுப்பாடுகள் வேலை செய்யவில்லை என்றும் அவர் மேலும் கூறினார். (யாழ் நியூஸ்)

டாக்டர் கிஷாந்த தசநாயக்க