முஹம்மது நபியின் கேலிச்சித்திரம்; மீண்டும் பிரசுரித்த பத்திரிகை!

முஹம்மது நபியின் கேலிச்சித்திரத்தை பிரசுரித்ததற்காக  2015ஆம் ஆண்டு தீவிரவாத தாக்குதலுக்கு உள்ளான பிரெஞ்சு கேலிக் சித்திரப் பத்திரிகையான ´சார்லி ஹெப்டோ´ அந்தக் கேலிச் சித்திரங்களை நேற்று (01) மீண்டும் பிரசுரித்துள்ளது.

இந்த துப்பாக்கிச் சூடு சம்பவம் தொடர்பாக 14 பேர் நீதிமன்றத்தில் முன்னிலைப் படுத்தப்படுவதற்கு முந்தைய தினம் இப்பத்திரிகை அந்தக் கேலி சித்திரங்களை மறுபதிப்பு செய்துள்ளது.

தீவிர வலதுசாரிகள், கத்தோலிக்க மதம், யூத மதம், இஸ்லாம் உள்ளிட்டவற்றின் சில கூறுகளைப் பகடி செய்வதற்காக சார்லி ஹெப்டோ நீண்ட காலமாக சர்ச்சைக்கு உள்ளாகி வருகின்றமை குறிப்பிடத்தக்கது.